Puwede kang magsulat
Ng kahit ano.
Ng kahit anong nararamdaman
O kahit anong iniisip mo.
Ng anumang hinahanap-hanap
O lahat ng pumupuno
Ng iyong kalinangan,
Ng iyong pagkatao.
Puwede kang magsulat
Ng kahit ano.
Ng anumang kathang-isip
at hindi totoo.
Ng anumang nilalaman
ng imahinasyon mo
Ng iyong haraya
Ng iyong buong puso.
Puwede kang magsulat
Ng kahit ano.
Huwag kang papipigil
sa kapangyarihan ko.
Akong binibigo ng mga salita't
Naulila sa mundong
Sa iyo na lang umiinog
Sa iyo na lang nabubuo.
ang tula ng pag-ibig sa makata
o kung bakit wala akong maisulat nitong kay tagal na.
ang puso ko'y nalunod na sa labis na ligaya.
hinamak na ng pag-ibig pati ang mga salita at tula.
